ಕೀವು ರಕ್ತ

ನಗುತ್ತಾಳೆ ನನ್ನ ನೆನಪ ಗಾಯ ಟಿಸಿಲೊಡೆದು
ಕನಸುಗಳ ರಕ್ತ ಕೀವು ಸೋರುತ್ತದೆ
ಯಮಯಾತನೆ ಸುಖ
ತಿರುಗಿ ನೋಡದೆ ಹೋಗುತ್ತಾಳೆ
ಎದೆ ಮರುಭೂಮಿಯಂತಾಗುತ್ತದೆ
ಮತ್ತೆ ಗಾಯ ಮಾಗುತ್ತದೆ
ಅವಳ ನಗುವಿನ ವಸಂತಕ್ಕಾಗಿ ಅಷ್ಟೇ

ತಿರಸ್ಕೃತ

ಏಕಾಂಗಿ

ನನ್ನ ಎದೆ ಪ್ರೀತಿಯ ಸೂತಕದ ಮನೆ
ಅವಳಿಲ್ಲ ಅಲ್ಲಿರುವುದು
ನಾನೊಬ್ಬನೇ ಬಿಕ್ಕಳಿಸಿ
ಅಳುತ್ತಿರುವ ಏಕಾಂಗಿ

ತಿರಸ್ಕೃತ

ಪ್ರೇಮ ಪತ್ರ

ನನ್ನ ನೋವಿನ ಮಹಾಸಾಗರದಲ್ಲಿ
ಮೋಜಿನ ಹಡಗು ಏರಿದ್ದಾಳೆ ಅವಳು
ನನ್ನೆಲ್ಲ ಪ್ರೇಮ ಪತ್ರ
ಅ ಹಡಗಿನ ಭಾವುಟಗಳು

ತಿರಸ್ಕೃತ

ಹಿಮರಾಣಿ

ಅವಳಿಲ್ಲ ನನ್ನೊಂದಿಗೆ ಪ್ರೇಮದೆದೆ ಕಾದಿದೆ
ಅಹೋರಾತ್ರಿ ಮಳೆಗರೆದರು
ಭಾವಸುಮವರಳಿದರು ಆರದು
ಸ್ವಪ್ನ ಜ್ವಾಲೆ
ಆದರೂ ಅವಳು ಹಿಮರಾಣಿ

ತಿರಸ್ಕೃತ

ಕಣ್ಣೀರು

ಅತ್ತರೆ ಕಣ್ಣೀರಾಗಿ ಸ್ರವಿಸುವಳು
ನೊಂದರೆ ನೋವಾಗಿ ಖಾಲಿಯಾಗುವಳು
ನೆನಪ ಶಿಖರದ ಮೇಲೆ ಸ್ವಪ್ನದ ಗೊಡಿದೆ
ಅದರಲಿ ಮೌನ ಪ್ರೇಮದ ಧ್ಯಾನವಿದೆ
ತಿರಸ್ಕೃತ

ಸ್ತ್ರೀ

ನನಗೆಲ್ಲಿ ಸ್ವಾತಂತ್ರ್ಯ?
ಸ್ವೇಚ್ಛಾ ಸ್ತ್ರೀ ಯಜ್ಞಕ್ಕಾಗಿ ಹಪಹಪಿಸುವ
ನನ್ನನು ಬಂದಿಸಿದ್ದಾಳೆ
ಅ ಸ್ವಪ್ನ ಚಾರಿಣಿ

ತಿರಸ್ಕೃತ

ಜನ್ಮ

ಯುದ್ಧ ಭೂಮಿಯೇ ಒಡಲು,ಮಿಕ್ಕವರಿಗದು ರುದ್ರ ಭೂಮಿ
ನಾನು ಅವರೊಟ್ಟಿಗಿನ ಹೋರಾಟದ ರಕ್ತ ಸಿಕ್ತ ಕುರುಹು
ಕಾಲನ ಪರಿಧಿಯ ಮುಳ್ಳು ತಂತಿಯ ಬೇಲಿ

ಉಸಿರು ಕಟ್ಟಿಸುವ ನನ್ನವರ ಸತ್ತ ದೇಹದ ಮಲೆತ ರಕ್ತ
ಮತ್ತೆ ನನ್ನದೇ ಮಲ ಮೂತ್ರದ ಗಬ್ಬುನಾತ
ಆದರೂ ಅವಳು ಕಾಯುತ್ತಾಳೆ ಮೃದ್ವಂಗಿ ಮುತ್ತು


ತಿರಸ್ಕೃತ

ತಿರಸ್ಕೃತ

ಅವಳ ಹಾದಿಯ ಹಳೆಯ ಪಯಣಿಗ
ಬೆನ್ನುಡಿಯ ಓದುಗ
ನೆನಪುಗಳ ದಾಳಿಗೆ ಸಿಕ್ಕ ತರಗೆಲೆ
ಕೊನೆಗೂ ಮುನ್ನುಡಿ ಓದಲು ಆಗದವನು

ತಿರಸ್ಕೃತ

ಅದೊಂದು ಆಲದ ಮರ ,

ಹೊರಗಡೆ ಬಣ ಬಣ ಬಿಸಿಲು ,

ನನ್ನ ಪಕ್ಕದಲ್ಲಿ ಅಜ್ಜನಿದ್ದಾನೆ ,ಮುಖ ,ಬಟ್ಟೆ,ಮನಸು ಮಾಸಿದೆ

ಘಮ್ಮನೆ ವಾಸನೆ ಆಲದ ಮರದಂತೆ

ಅನತಿ ದೊರದಲ್ಲಿ ತಾಯಿ ಮಗುವಿಗೆ ಹಾಲು ಉಣ್ಣಿಸುತ್ತಿದ್ದಾಳೆ

ಕುರುಡಿ ಒಬ್ಬಳು ಹಾಡುತ್ತಿದ್ದಾಳೆ ಮರದ ಮೇಲಿನ ಕೋಗಿಲೆ ಜೊತೆಗೆ

ಮರದ ಹಿಂದೆ ದಂಪತಿಗಳಿಬ್ಬರು ಮಾತಾಡುತಿದ್ದಾರೆ

ಎಲೆ ಉದುರುತ್ತಿವೆ
ಅಜ್ಜನನ್ನು ಕೇಳುತೇನೆ "ಯಾಕೆ ಎಲೆ ಉದುರುತ್ತವೆ ಟೊಂಗೆ ಜೊತೆ ?"

ಅಜ್ಜ ತನ್ನ  ನೆರೆದ ಕೊದಲು,ಸುಕ್ಕು ಗಟಿದ ಮುಖವನ್ನು ಕೈಯಿಂದ ತೋರಿಸುತ ಆಗಸದತ್ತ ನೋಡಿ ನಗುತ್ತಾನೆ

ಅರ್ಥವಾಗದೇ ಸುಮ್ಮನೆ ಕೂತೆ
ಎಲ್ಲರು ಅವರವರ ವ್ಯವಹಾರದಲ್ಲಿದಾರೆ

ಮರ ಮಾತ್ರ ಸುಮ್ಮನೆ ನಿಂತಿದೆ ,ಕೂತಿದ್ದೇವೆ ನಾವು ಅದೇ ನೆರಳಲ್ಲಿ ...
ಎಲೆ ಉದುರುತ್ತಲೇ ಇವೆ

ತಿರಸ್ಕೃತ