ಅದೊಂದು ಆಲದ ಮರ ,

ಹೊರಗಡೆ ಬಣ ಬಣ ಬಿಸಿಲು ,

ನನ್ನ ಪಕ್ಕದಲ್ಲಿ ಅಜ್ಜನಿದ್ದಾನೆ ,ಮುಖ ,ಬಟ್ಟೆ,ಮನಸು ಮಾಸಿದೆ

ಘಮ್ಮನೆ ವಾಸನೆ ಆಲದ ಮರದಂತೆ

ಅನತಿ ದೊರದಲ್ಲಿ ತಾಯಿ ಮಗುವಿಗೆ ಹಾಲು ಉಣ್ಣಿಸುತ್ತಿದ್ದಾಳೆ

ಕುರುಡಿ ಒಬ್ಬಳು ಹಾಡುತ್ತಿದ್ದಾಳೆ ಮರದ ಮೇಲಿನ ಕೋಗಿಲೆ ಜೊತೆಗೆ

ಮರದ ಹಿಂದೆ ದಂಪತಿಗಳಿಬ್ಬರು ಮಾತಾಡುತಿದ್ದಾರೆ

ಎಲೆ ಉದುರುತ್ತಿವೆ
ಅಜ್ಜನನ್ನು ಕೇಳುತೇನೆ "ಯಾಕೆ ಎಲೆ ಉದುರುತ್ತವೆ ಟೊಂಗೆ ಜೊತೆ ?"

ಅಜ್ಜ ತನ್ನ  ನೆರೆದ ಕೊದಲು,ಸುಕ್ಕು ಗಟಿದ ಮುಖವನ್ನು ಕೈಯಿಂದ ತೋರಿಸುತ ಆಗಸದತ್ತ ನೋಡಿ ನಗುತ್ತಾನೆ

ಅರ್ಥವಾಗದೇ ಸುಮ್ಮನೆ ಕೂತೆ
ಎಲ್ಲರು ಅವರವರ ವ್ಯವಹಾರದಲ್ಲಿದಾರೆ

ಮರ ಮಾತ್ರ ಸುಮ್ಮನೆ ನಿಂತಿದೆ ,ಕೂತಿದ್ದೇವೆ ನಾವು ಅದೇ ನೆರಳಲ್ಲಿ ...
ಎಲೆ ಉದುರುತ್ತಲೇ ಇವೆ

ತಿರಸ್ಕೃತ